• Halaber, HORI-HORI L.S.A.k multimedia produktuak diseinatu eta kudeatzeko zerbitzua eskaintzen du, nagusiki Euskal Herriko Kulturaren eta Euskararen alorrari dagokiona; izan ere, enpresak bi arlo jorratzen ditu: alde batetik, Software berria sortzen du, eta bestetik, merkatuan badiren euskarazko multimedia produktuak berreskuratu, katalogatu eta gordetzen jarduten du.

• “Euskararen Mithridates Digitala” joko interaktiboa. Joko honek bideo eta soinuez erakusten du zenbait azpieuskalkitan nola adierazten eta ahoskatzen diren esaldi batzuk (konparazioen bidez). Produktu hau Bilboko San Inazio auzoan dagoen Euskararen Interpretazio Zentrorako egin da.

• “Euskararen Mediategia” deritzon eremu interaktiboaren kudeaketa. Mediategiak bi helburu ditu:

 › Egunera arte euskaraz argitaratu den material digital ororen (CD, diskete, DVD...) multimedia agiritegia prestatzea.

 › Mediategiaren ingurunean biltzen den material guztiak bisualizatu ahal izatea, halako moldez non ororen eskura egonen baita material bakoitza bisualizatzeko behar den sistema operatiboa, hardware egokia eta bisualizatzaile zehatz batzuen (Quicktime, soinu-txartel, bideo-txartel eta abarren) bertsioak, horiek guztiak gaur egun merkatutik at egon arren.